Borgar Michelsen

EU best på naturvern

Neisida sitt hovudargument mot EU-medlemskap er at Noreg utanfor EU er meir solidariske, miljøvenlege og fredelege enn Noreg innanfor EU. Stadig fleire oppdagar at neisida tek feil, skammeleg feil.

I dagens Bergens Tidende konkluderar WWF med at Noreg - for å unngå at vi sakkar akterut på naturvern i høve til resten av Europa - bør ta inn Habitatdirektivet i norsk lovverk. Dette direktivet er EU-landa sitt rammeverkty for å oppfylle internasjonale konvensjonar om biologisk mangfald. Hovudføremålet med direktivet er å etablere eit nettverk av verneområdar for den mest truga naturen i Europa. Alle land som må forhalde seg til direktivet må saman med EU-kommisjonen peike ut nasjonale  områdar som skal vere med i desse vernenettverka, som har fått namnet Natura 2000.

Dersom Noreg meiner direktivet ikkje sikrar det biologiske mangfaldet godt nok, så har vi full fridom til å gå mykje lenger. Habitatdirektivet er nemleg eit minimumsdirektiv. At WWF meiner Noreg bør gjere habitatdirektivet til norsk lov, er imidlartid eit signal om at EU sitt minste felles multiplum er betre for naturen enn Noreg sitt maksimum.

Så spørs det då om nei-organisasjonen Natur & Ungdom vil gå saman med WWF i kampen for å gjere Habitatdirektivet til norsk lov, slik at vern av skog, villrein og rovdyr blir betre.

Eg har mine tvil - neisida i Noreg er ofte meir katolsk enn paven sjølv.

Russiske subsidiar i Kviterussland

Eg kom over ein artikkel på RadioFreeEuropa om russisk-subsidiert olje og gass i Kviterussland. Svært nyttig lesing. Her er eit lite utdrag som igrunnen fortel ganske mykje  om Putin si rolle i Kviterussland.

Russia charges Belarus $47 per 1,000 cubic meters of gas and $27 per barrel of oil compared to world prices of $230 and $60, respectively. For a country consuming about 20 billion cubic meters of gas per year and 250,000 barrels of oil per day this amounts to direct fiscal support of $6.6 billion annually. Besides consuming oil for its own needs, Belarus is also reselling it in the form of refined products processed at the two refineries whose capacity far exceeds the country's internal needs. Statistics confirm that the country imports about 100,000 barrels a day more than it consumes.

The total effect of the energy price discount amounts to over $7 billion a year, or 30 percent of the nation's GDP. This is a staggering proportion -- even in the United Arab Emirates this share is under 10 percent .

 

Kampen ikkje over

Fleire hundre personar overnatta på Oktoberplassen i Minsk i natt. Kampen for demokrati i Kviterussland er på langt nær over.

Alexander Lukasjenko skal ha i følgje offisielle tal ha fått utrulege 82,6% av røystene i sundagens presidentval, men forutan Russland og Burma er det få utanfor landets grenser (om nokon i det heile) som godkjenner valresultatet. Domen frå valobservatørane til OSSE var knusande. Dei meinte Lukasjenko brukte statens maktmidlar til å hindre eit fritt og rettferdig val.

Russland, som i følgje media skal ha sendt sine varmaste gratulasjonar til Lukasjenko då oppteljinga var over, ser ikkje noko som helst illegitimt ved valresultatet. I følgje Putin tilfredsstilte det Kviterussiske presidentvalet alle internasjonale standarar til demokratiske val.

Er det ein ting Putin fryktar meir enn noko anna så er det å miste sin siste allierte på grensa til Europa. Dersom prisen for status quo i Kviterussland er å gje moralsk støtte til Lukasjenko på valdagen, så finst det ikkje eit menneskerettsbrot i verda som kan hindre Putin i å betale denne prisen. Alt for unngå at det same skjer med Kviterussland som med Georgia og Ukraina – begge desse byrja å sjå vestover då revolusjonen var eit faktum.

Når statsministeren i Russland, Mikhail Fradkov, kjem på offisielt besøk til Noreg i neste veke må Kviterussland setjast på dagsorden. Vi kan ikkje arrangere møter med den mest innverknadsrike (og snart einaste) støttespelaren til Europas siste diktator og late som ingenting. Den viktigaste føresetnaden for at Lukasjenko har pengar til å "kjøpe støtte" hjå eigne statstenestemenn er den sterkt underprisa energien som kjem frå Russland.

Det er på tide at nokon krev svar av russiske myndigheiter - Noreg kan byrje med Fradkov neste onsdag.

Personvernkommisjon

Eg har tidlegare skrive om framlegget til meir DNA-registrering her på bloggen min som ei generell bekymring for det eg opplever som utidig inngripen i folks privatliv. Den eine dagen er det romavlytting i kampen nye NOKAS-ran, den andre dagen er det DNA-registrering mot valdtekter, den tredje dagen er det overvaking av e-post og telefon i kampen mot terror, så er det elektroniske fotlenker, meir overvakingskamera i det offentlege rom osv.

Føremålet til kvart einskild tiltak er stort sett velmeinande, men summen representerar ein talvorleg trugsel mot personvernet.

Venstre var ingen høglytt personvernforkjempar i førre regjering, så det var difor svært gledeleg at partiet fann tilbake til sjela si i går under Stortinget si personverndebatt. Som einaste konstruktive innspel i den halvtime lange debatten føreslo Venstre at Stortinget opprettar ein uavhengig personvernkommisjon. Framlegget ser ut til å få fleirtal.

Ein slik uavhengig kommisjon vil gjere det som dag-til-dag-politikken ikkje klarar, nemleg å vurdere summen av alle velmeinande einskildtiltak.  Det trengs!

På rømmen i Kviterussland

Fleire danske og svenske liberalarar er i laupet av dei siste dagane blitt deportert frå Kviterussland av Lukasjenkos militærpoliti. Mykje tydar på at Unge Venstre blir dei neste som må reise frå landet.

I går var ein av våre folk i Kviterussland på nippen til å arrestert. Vedkomande oppdaga militærpolitiet eit par heldige sekund før resten av gruppa han var saman med på eit hotell, og klarte så vidt å snike seg ut ein bakdør, for deretteer å  hive seg på eit tog til ein annan by. Dei andre i gruppa blei sendt til Polen.

Eg får inn nye meldingar heile tida om saker og ting som skjer i Kviterussland. I går tidleg starta meldingane med at situasjonen var ok (sjølv om myndigheitene var paranoide), men etter kvart som timane gjekk handla meir og meir om regimet sine totale overvaking og  militærpolitiet sin jakt på utlendingar.

Kva det neste døgeret vil handle om veit vi ikkje, men eg skal prøve å halde bloggen oppdatert.

Sjølv er eg veldig spent på korleis våre opposisjonelle vener har det akkurat no. Korleis er det å drive valkamp når resultatet er gitt? Kva gjer det på motivasjonen  når valobservatørar frå EU og OSSE blir nekta adgang til Kviterussland?  Vil det bli bråk når opposisjonen på laurdag skal arrangere konsert i Minsk  til støtte for opposisjonskandidaten Aleksandr Millinkevitch?

Presidentvalet er på sundag - men det internasjonale presset for demokrati og fridom i Kviterussland må ikkje stoppe då. Det har så vidt begynt.

4 dagar til valet i Kviterussland

Det er 4 dagar igjen til presidentvalet i Kviterussland. Unge Venstre er den einaste norske ungdomsorganisasjon som sendar eigne valobservatørar, men det spørs kor lenge dei får bli. Fleire utanlandske observatørar er allereie arrestert eller deportert.

At det blir tøffare å vere utlending i Kviterussland jo nærare  valdagen ein kjem er ikkje så rart. I går starta førehandsrøystinga i Kviterussland, noko opposisjonskandidaten Milinkevitsj meiner er ei ordning som er oppretta særskilt for å gjera det mogleg å "stela" røyster. Dette er eit kjent fenomen frå vala i det tidlegare Sovjetunionen. Ved forhåndsrøysting er nemleg ikkje valobservatørane på plass, og ingen kontrollerar at ting går rett for seg. Dei utlendingane som måtte prøve å nærme seg vallokala under førehandsrøystinga blir fjerna av politiet.

For oss som sitt heime i Noreg kan følgjande stemningsrapport frå Minsk, som eg fekk tilsendt i går på mail, vere nyttig lesing:

Det er merkelig stille i gatene, politi/militaer patruljerer HELE byen HELE tida.....internetthastigheten er blitt redusert kraftig, saerling paa det statlige drevet stedene (som postkontorene), mange er stengt. Ingen av de andre kandidatene er aa se, bortsett fra noen stands (mindre enn de standene jeg har staatt paa i min hjemkommune i Norge......det sier litt). Lukasjenko er imidlertid over alt (bussen,skjermer paa metro'n, 3-4 timer paa alle TV kanalene hver kveld). Han har imidlertid skjont at verden kommer til aa folge med paa valget, saa han spiller ogsaa paa hvordan Hviterussland markerer seg ute i verden (saa noen svaere plakater an en OL-vinner og vinneren and Melodi grand prix junior paa veien hit....)

MEN, Lukasjenko er forberedt paa braak. Bak fotballstadion staar det rundt 50 busser med soldater klar til aa slaa ned paa det som maatte komme....og slike(og mange)busser staar mange steder rundt om i Minsk.

Dersom du er i Oslo, Bergen eller Tromsø i morgon 16. mars, så håper eg du stiller opp på markering for opposisjonen i Kviterussland.

Oslo
 Youngstorget, kl. 16.00

Bergen
Torgalmenningen, ved den blå steinen, kl. 17.00

Tromsø
Nesstranda Torg, kl. 18.00

Tilbake

Har vore lenge vekke frå bloggen no. Det skuldast 1) var på guttetur til London førre helg for å sjå Tottenham - Wigan (som blei avlyst pga Ligacupfinalen, så måtte i staden sjå Charlton  spele 0-0 mot Aston-Villa) 2) travle Unge Venstre-dagar med leiarseminar i Bergen og 3) alt for mykje snø i Oslo.

Denne helga skal eg på landsstyremøte i Venstre. Unge Venstre kjem til å halde fram arbeidet mot det kontroversielle overvakingsdirektivet, utfordre Venstre på betre kontroll av norsk våpeneksport og fryse stat-til-stat-bistanden til Uganda. Elles blir det kanskje litt uro rundt innstillinga til prinsipprogramkomiteen som skal arbeide fram mot landsmøtet i 2007.

Vi får sjå korleis det går. No tek eg kvelden. God helg!